Reunión cos veciños de Prado

O Concello de Castrelo organiza unha nova reunión cos veciños en Prado de Miño para seguir abordando cuestións ao redor da concentración parcelaria de viñedo. Tras tres reunións, e debido ao interese mostrado polos veciños a través de firmas para participar no proceso, organízase unha nova para este sábado ás 7 da tarde na Casa da Asociación O Penedo da Forca, á que poderán asistir todas as persoas titulares de viñedos en Prado.

Un técnico municipal asistirá para a recollida de firmas daqueles propietarios interesados en participar neste proceso, ademais de organizar unha visita a Santo André en Ribadavia para que, de primeira man, coñezan unha concentración parcelaria concluída.