Feira de Castrelo do mes de marzo

O último domingo de mes, Castrelo de Miño celebra a súa tradicional feira. Para esta do mes de marzo, céntrase a súa temática na exposición que Castrelo acolle desde o pasado día 5 ata o 5 de xuño e que rememora o camiño a Santiago que pasaba por Castrelo, o Camiño Miñoto-Ribeiro. Esta será unha boa oportunidade para facer compras e visitar, na Sala TurCastrelo, no edificio do Parque Náutico, encima da feira, esta exposición que, ademáis, conten numerosas obras dedicadas ao noso municipio.

Ademais disto, os que asistan seguirán podendo gozar de lecer, gastronomía e mercado, onde se poderán atopar produtos naturais, maquinaria, utensilios, artesanía ou plantas, entre outros. Todo iso o domingo 26 na localización tradicional da feira, detrás do Parque Náutico de Castrelo.