Bando 17/2017: Problemas de recepción da TDT

Xurxo Rodríguez Méndez, alcalde do concello de Castrelo de Miño (Ourense)

FAGO SABER que dende a posta en servizo das antenas de telefonía móbil de 4ª Xeración 4G, a recepción da televisión dixital terrestre (TDT) puido sufrir  afectacións.

Para solucionar estas afectacións e garantir que non afecte á TDT, a entidade LLEGA800 leva a cabo as actuacións técnicas necesarias nas instalacións de recepción dos usuarios da TDT. Estas actuacións son de carácter gratuíto para os cidadáns afectados.

Se algún veciño detecta o mal funcionamento dos seus receptores TDT o procedemento de actuación consiste en poñerse en contacto coa empresa LLEGA8000 a maior brevidade posible a través do teléfono de atención gratuíto 900 833 999 ou da páxina web www.llega800.es, para unha vez recibida a notificación, un técnico cualificado realice as labores de acondicionamento necesarias para solventar o problema sen coste algún para o usuario. 
 
O que se fai público para xeral coñecemento.
Castrelo de Miño, 28 de agosto de 2017.
O Alcalde, Xurxo Rodríguez Méndez